سلام، رجعت تاني للكتابة عشان موضوع المفروض انه واضح، بس للأسف كتير من الناس بيستعموا ، او هما عمي أصلا مش هتفرق !!
الاقيلك واحد من ضمن الوحايد يشكك في الثورة السورية ويقول انها مؤامرة، ويقولك دي اجنده خارجية ،، لا مش عفاف شعيب ولا عمرو مصطفى ،، دول ناس كانوا معانا هنا في ثورة مصر !!!
الكلام الي كان بيتقال علينا بقينا نقوله على غيرنا :D
طب ليه ؟؟ هما السوريين دول مش بشر ومن حقهم يبقوا احرار ؟؟ ولا الموضوع موضوع مصالح ؟؟
هو مصالح !!!
القذر حسن نصر الله اللي تجاهل جرائم النظام السوري حماية لنظام الأسد اللي بيدعمه، وطبعا نظام الأسد مش بيدعمه لله وللوطن ولا حباً في المقاومة ،،
اكيد جليا واضحا المشاكل بين الموالاه في لبنان ونظام الأسد في سوريا من أيام حافظ الله يكحمه مترح ما راح !!!
اون ذا اذر هاند، نلاقي ان فجأتان كده انتفض المارد الخليجي وخصوصا السعودية دعما للحقوق الشعب السوري المسلوبة
احيه !!
السعودية ؟؟
اللي اوت بن علي ، وعالجت عبد الله ،،وققفت ضد محاكمة مبارك ؟؟
اللي عاملت المصريين بإهانة في مطارة جده عشان قاموا بالثورة !!
لا والكويت طردت السفير السوري :)
الكويت اللي احدى قنواتها مذيعها كان بيعيط على مبارك !!
يعني الموضوع مش موضوع دعم حقوق شعب ولا حاجة !!
ما اللي مخليكم تعملوا كده مع سوريا يخليكم تعملوا كده مع اليمن اللي محسوبة على الخليج
ولا صح قوات درع الخليج اللي في البحرين مش واخدين بالهم ان دي ثورة شعبية برده !!
يا سادة لا الخليج عاوز حرية شعب سوريا، ولا حزب الله عاوز كده برده
الموضوع ببساطة انه صراع قوى
مش قوى اقليمية
السعودية اقل بكتير انها تصارع ايران
الموضوع صراع بين ايران وامريكا ،، والسعودية اداه، والشعب السعودي زي الأهبل بيصقف لنظامه عشان بيحاربوا الشيعة أعداء الله !!
والشيعة بهايم بيعتبروا الثورة السورية دي مد وهابي
او ببينوها انها لكده
وللأسف الصوفيين في مصر بيسقفولهم
ولا عزاء للمواطن السوري ولمطالب السوريين
الموضوع ببساطة عامل زي ما كان بيقولوا الثورة في صالح امريكا، اول ما امريكا اتخلت عن مبارك
اه يا شعوب جاهلة !!
ليست هناك تعليقات:
إرسال تعليق