انا بقالي فترة كبيرة جدا مش بكتب، واحتمال افضل فترة مكتبش لظروف كتيره
بس اللي خلاني اكتب انهاردة هو الشديد القوي اللي مطير من عنينا كلنا النوم
الشديد القوي ده هو الي استدعى اسماء محفوظ انهاردة من غير ما يوجهلها تهم عشان يحقق معاها في النيابة العسكرية
ولما راحت وجهلها تهم غريبة، تهم من نوعية متناوئ دي !!
ومكفاهومش كده ، دول اعتدوا على اهلها والناس الي كانوا متضامنين معاها بالضرب كمان !!
ونفس الشديد القوي هو اللي حجز الظباط اللي نزلوا يقولوا رأيهم فيه
وكانوا رجاله ومخافوش
وكانت النتيجة ان 13 واحد منهم خد 10 سنين سجن ، والتانين مستنين النطق بالحكم بكره
ويا عالم
على فكرة انا مش هسامح نفسي لو مخرجوش
لازم يخرجوا
دول مواطنين مصريين بيقولوا رأيهم في مجلس -المفروض- انه مجلس اداري لشئون البلاد
الناس دي جت واتحامت فينا يوم 8 ابريل
وتكون النتيجة اننا نسيبهم للشديد القوي اللي مبيرحمش ؟؟
وطبعا كله بكره هيفرح بمحاكمة المخلوع ويقعد جنب امه في البيت يتفرج عليه
وللأسف هيكون في انشغال اعلامي _واعتقد انه مقصود يكون يوم النطق بالحكم هو نفس يوم السيرك بتاع محاكمة مبارك- بقضية مبارك وبتصويره وهو بيلعب في لمؤاخذة مناخيره جوه القفص
انا عموما بناشد كل راجل فيه نخوة انه ميسبش الناس دي
الناس دي كانوا رجاله ، ولازم نكون رجاله زيهم
ليست هناك تعليقات:
إرسال تعليق